بالفيديو.. صديق «أحمد أمين» يكشف تفاصيل خطيرة عن مقتله بالمطرية

كشف رامي عبد الله، صديق أحمد أمين، الشهيد الذي سقط اليوم، بمنطقة المطرية، عن تفاصيل مقتل الأخير، قائلًا: «إحنا كنا قاعدين قدام مسجد التوحيد، عشان نحمي المصلين، إتنين عدوا حاملين شنط على أكتافهم، شكلهم غريب، أحمد قام يبص عليهم، لقاهم بيأمنوا على الجامع، واحد منهم كان داخل الجامع ومرديش يدخل، وقام أخد اللي معاه وماشي أول ما أخد باله أننا شوفناهم، أحمد مشي وراهم وأنا مشيت معاه، وقفوا قدام فرن عيش، وقام واحد فيهم مجهز سلاحه وضارب أحمد في صدره».

وأضاف خلال مداخلة هاتفية مع الإعلامي وائل الإبراشي، على قناة «دريم 2»، «أحمد ملوش دعوى بالإخوان، ده بيكرهم ومش بيحبهم، ومش بدقن ولا حاجة، وملوش دعوى بالإخوان خالص، أنا هروح قسم الشرطة أُدلي بشهاداتي أمام النيابة، ومحدش شاف اللي حصل ده غيري والست بتاعت العيش، لأن الشارع كان فاضي تمامًا».